Bədii qiraət müsabiqəsi – QEYDİYYAT
Naxçıvan Muxtar Respublikası Gənclər və İdman Nazirliyi 26 Fevral – Xocalı faciəsinin 33-cü ildönümü ilə əlaqədar gənclər (14-29 yaş) arasında “Xocalı-əbədiyaşar faciə” adlı bədii qiraət müsabiqəsi təşkil edəcək. Müsabiqə fevralın 20-si saat 11:00-da nazirliyin binasında keçiriləcək.
İlk 3 yerin sahibləri diplom və hədiyyərlə mükafatlandırılacaqdır.
Müsabiqə iştirakçıları Xocalı faciəsinə həsr olunmuş və vətənpərvərlik mövzusunda olan şeirlərlə çıxış edə bilərlər.İfalar 3-6 dəqiqə aralığında olmalıdır. İştirakçıların öz yazdığı şeirlər də təqdim oluna bilər.Qiraət ediləcək şeirlərin mətni elektron formatda münsiflər heyətinə təqdim edilməlidir.İştirakçıların çıxışları 10 ballıq qiymət sistemi ilə münsiflər heyəti tərəfindən dəyərləndiriləcək. Münsiflər heyəti tərəfindən müsabiqə iştirakçıları səhnə mədəniyyəti, intonasiya, şeirlərin əzbər təqdimatı, mövzu uyğunluğu və tələffüz bacarıqları meyarlarına görə qiymətləndiriləcək.Münsiflər heyətinin qərarı qətidir, müzakirə olunmur və dəyişdirilə bilməz.
